Ջեյհուն Բայրամովը կայցելի Իրան

Ադրբեջանի արտգործնախարար Ջեյհուն Բայրամովն առաջիկա օրերին կայցելի Իրան։ Այս մասին հաղորդում Է Fars news գործակալությունը:

Ինչպես նշված է տեղեկատվության մեջ, այցը տեղի կունենա Իրանի ԱԳ նախարար Հուսեյն Ամիրաբդուլահիի հրավերով:

Այցի շրջանակներում Ջեյհուն Բայրամովը կհանդիպի Իրանի նախագահ Իբրահիմ Ռաիսիի, մի շարք կառավարական պաշտոնյաների, ինչպես նաեւ Իրանի խորհրդարանի նախագահ Մուհամեդ Բաղիր Գալիբաֆի հետ: