Անցկացվել են հրամանատարական հավաքներ, քննարկվել են մարտական պատրաստությանն առնչվող հարցեր

Օգոստոսի 25-ին N զորամիավորումում անցկացվել են հրամանատարական հավաքներ։ Այս մասին տեղեկացնում են ՀՀ ՊՆ-ից:

Քննարկվել են մարտական պատրաստության, մարտական հերթապահության և զորամասերում առօրյա ծառայության կազմակերպմանը, զինվորական կարգապահության ամրապնդմանն առնչվող հարցեր: Հավաքների մասնակիցների բարձրացրած հարցերի և առաջարկությունների վերաբերյալ տրվել են պարզաբանումներ:

Հատուկ ուշադրություն է դարձվել հրամանատարական կազմի անհատական պատրաստության մակարդակի բարձրացմանը, ղեկավար փաստաթղթերի իմացությանն ու առաջավոր փորձի ներդրմանը։