Ուկրաինային աջակցելը թանկ է նստում արևմտյան երկրների բնակիչների համար․ ՆԱՏՕ-ի գլխավոր քարտուղար

ՆԱՏՕ-ի գլխավոր քարտուղար Յենս Ստոլտենբերգը խոստովանել է, որ Ուկրաինայի հակամարտությանն աջակցությունը թանկ է նստում արևմտյան երկրների բնակիչների համար, սակայն նշել է, որ անհրաժեշտ է «աջակցել և մեծացնել» օգնությունը Կիևին։ Այս կարծիքը նա հայտնել է կիրակի օրը գերմանական Welt am Sonntag թերթին տված հարցազրույցում։

Նա ասել է, որ սննդի և կոմունալ ծախսերի խնայողությունը նշանակում է դժվար ժամանակներ Եվրոպայի բնակիչների համար, բայց Ուկրաինային աջակցելը պետք է շարունակել։ Այս համատեքստում Հյուսիսատլանտյան դաշինքի գլխավոր քարտուղարը բարձր է գնահատել Բեռլինի կողմից Ուկրաինա զենքի մատակարարումը։ «Գերմանիայի կողմից նման աջակցությունը որոշիչ նշանակություն ունի»,- պնդել է Ստոլտենբերգը։

«Մենք բոլորս պետք է մեծացնենք Ուկրաինային օգնելու մասին»,- ասել է նա։ Միաժամանակ ՆԱՏՕ-ի գլխավոր քարտուղարը նկատել է, որ «կարելի է ամրապնդել Ուկրաինայի դիրքերը բանակցությունների սեղանի շուրջ, եթե մենք նրան ռազմական աջակցություն ցուցաբերենք»։ «Աշխարհին աջակցելու լավագույն միջոցը Ուկրաինային աջակցելն է»,- ասել է նա։