ArmLur.am-ը տեղեկացավ, որ ՀՀ վարչապետ Նիկոլ Փաշինյանի հրամանով փոփոխություններ են կատարվելու Հայաստանի Հանրապետության պետական վերահսկողական ծառայության կառուցվածքում:
Օրինակ, նախատեսվում է ստեղծել նոր տեղեկատվության և հասարակայնության հետ կապերի բաժին: Բացի այդ, ծառայության հիմնական մասնագիտական կառուցվածքային ստորաբաժանում հանդիսացող ռիսկերի գնահատման, վերլուծության և վերահսկողության վարչությունից առանձնացման ձևով կստեղծվի ստուգումների իրականացման ոլորտի վերահսկողության վարչություն հիմնական մասնագիտական կառուցվածքային ստորաբաժանում, իսկ ռիսկերի գնահատման, վերլուծության և վերահսկողության վարչությունը կանվանափոխվի ռիսկերի գնահատման և վերլուծության վարչություն:
Ծառայության հիմնական մասնագիտական կառուցվածքային ստորաբաժանում հանդիսացող կարգապահական և ներքին հսկողության բաժինը կանվանափոխվի ներքին անվտանգության և հսկողության բաժնի:
Այսպիսով, ծառայության հիմնական մասնագիտական կառուցվածքային ստորաբաժանումներն են՝
1) տնտեսական ոլորտի վերահսկողության վարչություն.
2) տարածքային կառավարման և ենթակառուցվածքների ոլորտների վերահսկողության վարչություն.
3) սոցիալական ոլորտի վերահսկողության վարչություն.
4) պետաիրավական ոլորտի վերահսկողության վարչություն.
5) գնումների գործընթացների վերահսկողության վարչություն.
6) ռիսկերի գնահատման և վերլուծության վարչություն.
7) դիմումների և քաղաքացիների ընդունելության բաժին.
8) ներքին անվտանգության և հսկողության բաժին.
9) ներքին աուդիտի բաժին.
10) իրավական ապահովման և օրինականության վերահսկողության վարչություն.
11) ստուգումների իրականացման ոլորտի վերահսկողության վարչություն։
Ծառայությանն աջակցող մասնագիտական կառուցվածքային ստորաբաժանումներն են՝
1) գործերի կառավարման և գնումների կազմակերպման բաժին.
2) հաշվապահական հաշվառման բաժին.
3) անձնակազմի կառավարման բաժին.
4) ընդհանուր բաժին.
5) առաջին բաժին.
6) տեղեկատվության և հասարակայնության հետ կապերի բաժին:»:
Նաիրա Հովհաննիսյան
.gif)
