«Արտակարգ» հորոսկոպ՝ կենդանակերպի բոլոր նշանների համար Ռուսաստանի ԱԻՆ-ի կողմից

Ռուսաստանի Արտակարգ իրավիճակների նախարարությունը կենդանակերպի բոլոր նշանների համար սեպտեմբեր ամսվա «արտակարգ» հորոսկոպ է կազմել՝ զգուշացումներով, թե ինչպես վարվել տարբեր դժբախտ պատահարների ժամանակ։

«Սեպտեմբերի արտակարգ աստղագուշակ՝ երկրի և օդի տարրերի համար. 5 անգամ ծուխ ներշնչելը կարող է դառնալ կրիտիկական, հրդեհի դեպքում՝ շնչել խոնավ սրբիչով, փակել սենյակի պատուհաններն ու դռները՝ սահմանափակելով թթվածնի մուտքը»,- ասված է նախարարության տելեգրամյան ալիքում։

Մասնավորապես, «Աղեղնավորի» համար կանխատեսումն ասում է, որ նրանց շրջապատում կան մարդիկ, ովքեր պարզապես պետք է կրակմարիչ գնեն և տունը վերազինեն հակահրդեհային դետեկտորով:

Փրկարարները «Այծեղջյուրներին» խորհուրդ են տալիս չհետաձգել էլեկտրական և գազային սարքավորումների սպասարկման պիտանիության ստուգումը և այդ աշխատանքը վստահել մասնագետներին։

Երկվորյակներին խորհուրդ է տրվում հրաժարվել ճանապարհին բարձր երաժշտություն լսելու սովորությունից։

«Ականջակալներ կրելիս դուք կարող եք չլսել հատուկ տրանսպորտային ազդանշանների ձայները կամ վթարի ենթարկվել», – ասվում է հուշագրում:

Փրկարարները նաև խորհուրդ են տալիս ալկոհոլ օգտագործելուց հետո չլողալ արգելված վայրերում և երեխաներին ջրի մոտ առանց հսկողության չթողնել։

Երկրի և օդի տարրերի մասին հուշագրերը պարունակում են հետևյալ առաջարկությունները. ամպրոպի ժամանակ անհրաժեշտ է իջնել ձորը. կրակ վառելիս 10 մետր շառավղով մաքրել տարածքը փայտերի մնացորդներից։

Կրակի տարրերի համար սեպտեմբեր ամսվա «արտասովոր» հորոսկոպը պարունակում է հետևյալ խորհուրդը՝ կրակ մի վառեք սխալ տեղում, մի ծխեք անկողնում, լուցկին և կրակայրիչը երեխաներից հեռու պահեք։

«Անվտանգությունը սկսվում է ձեզնից»,- ամփոփում է ՌԴ Արտակարգ իրավիճակների նախարարությունը։