Ղազախստանում կիրակի տեղի կունենա ատոմային էլեկտրակայանի կառուցման վերաբերյալ հանրաքվե: Դրա արդյունքից կախված կլինի՝ արդյոք Ղազախստանը կսկսի՞ զարգացնել միջուկային էներգետիկան, թե՞ էլեկտրաէներգիայի այլ աղբյուրներ կփնտրի:
Քվեարկությանը մասնակցելու իրավունք ունեցող բոլոր անձանց նախապես ուղարկվել են SMS հաղորդագրություններ և հանրաքվեին մասնակցելու հրավերներ:
Ղազախստանի մշակույթի և տեղեկատվության նախարարության պատվերով սեպտեմբերի 17-24-ը Ղազախստանի հասարակական զարգացման ինստիտուտի անցկացրած հեռախոսային հարցումը ցույց է տվել, որ հանրաքվեին մտադիր է մասնակցել ընտրելու իրավունք ունեցող քաղաքացիների 64 տոկոսը: Հարցվածների ավելի քան 67 տոկոսը նշել է, որ «կողմ» է քվեարկելու ատոմակայանի կառուցմանը, գրեթե 23 տոկոսը՝ «դեմ»:
.gif)
