ԱՄՆ ներկայիս վարչակազմն ամեն կերպ փորձում է վնասել Ադրբեջանի հետ հարաբերությունները՝ հենվելով շինծու և առասպելական հայտարարությունների վրա։ Այս մասին հայտնել է Ադրբեջանի ԱԳՆ խոսնակ Այխան Հաջիզադեն։
«Մեզ ցնցում է մամուլի ազատության նկատմամբ ամերիկյան կողմի անհանդուրժողականությունը, որը հանդես է գալիս որպես խոսքի ազատության պաշտպան»,- ասել է գերատեսչության ներկայացուցիչ Այհան Հաջիզադեն։
Ավելի վաղ Բաքվում ԱՄՆ դեսպանատունը սոցցանցերում գրառում էր կատարել․
«Վերջերս ԱՄՆ-ի հասցեին շատ վիրավորական և ծաղրական արտահայտություններ են հնչում: Ամենահայտնիներն այս ամիս AZTV-ի «Շաբաթ» հաղորդման ժամանակ հնչած «բացահայտ շանտաժ» և «նողկալի» բառերն էին: Լավ փորձ է, բայց սա չի կարող շեղել ուշադրությունը այն փաստից, որ անհիմն մեղադրանքներով Ադրբեջանում 300-ից ավելի քաղբանտարկյալ բանտերում է և տոները չի նշի ընտանիքների հետ»:
.gif)
