ՊԵԿ-ը տուգանել է Վարդենիսի խանութները. ինչքա՞ն է կազմել տուգանքի չափը

Վարդենիսի բնակիչները ArmLur.am-ին ահազանգում են, որ Ամանորին ընդառաջ և դրան հաջորդող օրերին Պետական եկամուտների կոմիտեի աշխատակիցներն այցելել են շատ խանութներ և տույժի ենթարկել, որի չափը եղել է ահռելի:

ArmLur.am-ին դիմած քաղաքացիներից մեկի տուգանքի չափը կազմել է 60 մլն, մյուսինը 128 մլն:

Քաղաքացիների խոսքով՝ գումարի չափը բավական մեծ է:

ArmLur.am-ը կապ հաստատեց ՊԵԿ մամուլի քարտուղար Լուսինե Մկրտչյանի հետ՝ հասկանալու՝ արդյո՞ք միայն Վարդենիսում է եղել ստուգումներ և ի՞նչ խախտումներ են եղել դրանք։ Վերջինս ArmLur.am-ի հետ զրույցում ասաց․

«Ցանկացած անօրինական գործունեություն ենթակա է ստուգման անկախ նրանից, թե դա, որ մարզին է վերաբերում։ Եթե նկատվել է ռիսկ, ուրեմն ՊԵԿ համապատասխան ստորաբաժանումը պարտավոր է հսկողական աշխատանք կատարել և վեր հանել օրենքի խախտման փորձերը։ Տուգանքների չափը ևս ֆիքսված է օրենքով, այստեղ չկան տարբերակվսծ մոտեցումներ»։