Մեհրաբյանը որոշել է պատգամավորական մանդատը վերցնել․ ո՞վ է «ՔՊ»-ական նոր պատգամավորը

Երեկ ՀՀ ԱԺ պատգամավոր Վիլեն Գաբրիելյանի պատգամավորի լիազորությունները դադարեցվեցին։

Ըստ ցուցակի՝ Գաբրիելյանին հաջորդելու է Արտյոմ Մեհրաբյանը։

ArmLur.am-ը կապ է հաստատել Արտյոմ Մեհրաբյանի հետ՝ պարզելու՝ վերցնելո՞ւ է պատգամավորական մանդատը, թե ոչ։

Վերջինս ArmLur.am-ին փոխանցեց, որ այո՛, վերցնելու է մանդատը և վաղուց էր պլանավորված իր մոտ։

Հիշեցնենք, որ 2024 թվականի հունվարի 25-ի վարչապետի որոշմամբ Մեհրաբյանը նշանակվել էր ռազմարդյունաբերության կոմիտեի նախագահ և նույն թվականի հունիսի 28-ին ազատվել նույն պաշտոնից։

Նաև նշենք, որ Մեհրաբյանը եղել է Չարենցավանի հաստոցաշինական գործարանի տնօրեն։

Նա նաև 2019 թվականի փետրվարին նշանակվել էր Աջափնյակ վարչական շրջանի աշխատակազմի ղեկավար։

Աննա Սրապիոնյան