ՏԵՍԱՆՅՈՒԹ. Կանգ չենք առնելու և դիմելու ենք ծայրահեղ միջոցների. Միկոյան փողոցի բնակիչները նորից փողոց կփակեն

Շուրջ մեկ տարի է, ինչ Անաստաս Միկոյան 64 հասցեի նորակառույց շենքերի բնակիչները բողոքի ակցիաներ են իրականացնում։ Ըստ տեղի բնակիչների՝ շատ ընթացակարգեր կատարվել են օրենքի կոպիտ խախտումներով, և վերահսկող մարմինների կողմից ոչ ոք պատասխանատվության չի ենթարկվել:

Նրանք հայտնել էին, որ 4 հազար քմ հողատարածքը կառուցապատողն ընդգրկել է բնակիչներին վաճառված բնակարանների ընդհանուր արժեքի մեջ, որից հետո օտարել է այդ տարածքը մեկ այլ ընկերության:

Բնակիչները բողոքի ակցիաներով Երևանի քաղաքապետարանից պահանջում էին բաժնային սեփականություն համարվող 4 հազար քմ հողատարածքը:

ArmLur.am-ի հետ զրույցում տեղի բնակիչ Հայկ Սերոբյանը նշեց, որ սպասում են վերջնական պատասխանի: Ինչպես նա է նշում՝ խնդիրը չբավարարելու դեպքում՝ բնակիչները կանգ չեն առնելու և դիմելու են ծայրահեղ գործողությունների:

Մանրամասները՝ տեսանյութում։

Նանիկ Աղասյան, Հովսեփ Հովսեփյան