Ահարոն Սահակյանը կլքի մարզպետի պաշտոնը. որոշումն այսօր

ArmLur.am-ի տեղեկություններով՝ Կոտայքի մարզպետ Ահարոն Սահակյանն այսօր կազատվի զբաղեցրած պաշտոնից։

Մեր աղբյուրների փոխանցմամբ՝ համապատասխան որոշումը նախատեսվում է ընդունել այսօրվա կառավարության նիստում։

Ըստ ArmLur.am-ի տեղեկությունների՝ պաշտոնանկությունը պայմանավորված է այն հանգամանքով, որ Ահարոն Սահակյանը պատրաստվում է ստանձնել Ազգային ժողովի պատգամավորի մանդատը՝ նոր գումարման խորհրդարանի աշխատանքների մեկնարկից առաջ։

Հիշեցնենք, որ նոր գումարման Ազգային ժողովի առաջին նիստը նախատեսված է այս կիրակի։ Այդ կապակցությամբ մի շարք պաշտոնյաներ, որոնք ընտրվել են պատգամավոր, հրաժարվում են իրենց զբաղեցրած պաշտոններից՝ խորհրդարանական մանդատը ստանձնելու համար։

Ահարոն Սահակյանը Կոտայքի մարզպետի պաշտոնը զբաղեցնում էր 2021 թվականի մայիսի 27-ից։ Մինչ այդ նա եղել է Գառնի համայնքի ղեկավար։ Վերջին խորհրդարանական ընտրությունների արդյունքում նա ընդգրկվել էր «Քաղաքացիական պայմանագիր» կուսակցության ընտրական ցուցակում և ընտրվել պատգամավոր։

Այսպիսով, Կոտայքի մարզում առաջիկայում սպասվում են նոր կադրային նշանակումներ։ Թե ով կփոխարինի Ահարոն Սահակյանին մարզպետի պաշտոնում, առայժմ պաշտոնապես չի հայտարարվել։

Սոնա Գրիգորյան