Հունաստանի ոստիկանությունը ձերբակալել է 26-ամյա աֆղանցի տղամարդու, որը կասկածվում է շոտլանդացի բարեգործական կազմակերպության աշխատակցուհի Էլիզաբեթ Ջեյն Ռոսի սպանության մեջ։
38-ամյա Ռոսի մարմինը հուլիսի 18-ին հայտնաբերվել էր Աթենքի Կիպսելի թաղամասի լքված շենքում՝ ճամպրուկի մեջ։ Նա հաճախ էր մեկնում Հունաստան՝ օգնելու փախստականներին և անօթևաններին։
Քննության ընթացքում պարզվել է, որ կասկածյալը, ենթադրաբար, օգտագործել է Ռոսի բանկային քարտերը և նրա հեռախոսից հաղորդագրություններ ուղարկել հարազատներին՝ ստեղծելով տպավորություն, թե նա դեռ կենդանի է։ Ոստիկանությունը նրան հայտնաբերել է այն բանից հետո, երբ տեսախցիկները ֆիքսել են նրա կողմից Ռոսի քարտերի օգտագործումը։
Կասկածյալը ձերբակալվել է Աթենքում։ Նրա մոտ, ըստ ոստիկանության, հայտնաբերվել են դանակ և կեղծ ատրճանակ։ Սպանության շարժառիթը և մահվան հստակ պատճառը դեռ պարզվում են։
.gif)
