Իսկապես չորս քաղաքական ուժերն իրենց քվեարկությամբ իրատեսական էին, խստապահանջ և ականջալուր: Այս մասին Ազգային ժողովում լրագրողների հետ ճեպազրույցի ժամանակ ասաց «Ժառանգություն» խմբակցության ղեկավար Ռուբեն Հակոբյանը:
«Իրատեսական էին, որովհետև համակարգում որևէ մեխանիզմ չկա, որ այս ծրագիրը կիրականանա: Պետք է ընդդիմության մասին նախագիծ լիներ, որտեղ մեզ համար հնարավորություններ կլինեին, և կմտածեինք՝ ինչ-որ բան փոխվել է:
Եթե վարչապետը գար և ասել եկեք համագործակցենք, կհասկանայինք, որ ինչ-որ բան է կատարվել», – նշեց նա:
Հակոբյանի համոզմամբ՝ այս առումով իրատեսական է, որ չորս քաղաքական ուժեր չմասնակցեցին քվեարկությանը, և խստապահանջ, քանի որ իրենք խստապահանջ կերպով հետևելու են Կառավարության գործունեությանը:
«Իսկ քվեարկությամբ մենք ականջալուր էինք հասարակության ձայնին», – ասաց «Ժառանգություն» խմբակցության ղեկավարը:
Հիշեցնենք, որ երեկ խորհրդարանում քվեարկության դրվեց Կառավարության ծրագիրը, որին չմասնակցեցին Ազգային Ժողովի ոչ իշխանական ուժեր ՀԱԿ-ը, ՀՅԴ-ն, «Ժառանգությունը» և ԲՀԿ-ն:
.gif)
