Ուկրաինական ավիացիան չորեքշաբթի հերթական հարվածն է հասցրել Դոնեցկի մարզի Սլավյանսկ քաղաքի մոտ գտնվող Սեմյոնովկա ավանին: Համեմատաբար հանգիստ գիշերվանից հետո վաղ առավոտյան վերսկսվել է նաև քաղաքի հրետանային ռմբակոծումը, տեղեկացնում է ИТАР-ТАСС-ը:
Հիշեցնենք, որ նախօրեին Սլավյանսկում դաժան մարտեր էին ընթանում աշխարհազորայինների և ուկրաինական ուժայինների միջև: Դոնեցկում ավերածությունների չափը դեռևս դժվար է գնահատել, քանի որ քաղաքի ռմբակոծությունը շարունակվում է:
Նախօրեին Ուկրաինայի նախագահի պաշտոնակատար Ալեքսանդր Տուրչինովը հայտարարել էր Դոնեցկի հյուսիսում «համալիր ակտիվ գործողությունների» կատարման մասին: Ավելի վաղ հաղորդվել էր, որ Ուկրաինայի օդուժը հրթիռային օդային հարվածներ է հասցրել Սեմյոնովկային:
.gif)
