ՆԱՏՕ-ն զորավարժություններ է անցկացնում Արևելյան Եվրոպայում

ԱՄՆ հովանու ներքո Լիտվայի, Լատվիայի, Էստոնիայի և Լեհաստանի տարածքում անցկացվում են ՆԱՏՕ-ի զորավարժություններ, տեղեկացնում է gordonua.com-ը:

Saber Strike-2014 անվան տակ անցկացվող զորավարժություններին, որոնք կանցկացվեն հունիսի 9-21-ը, կմասնակցի Հյուսիսատլանտյան դաշինքի 9 անդամ-երկրների ավելի քան երկու հազար զինծառայող:

Ինչպես տեղեկացրել է Կանադայի պաշտպանության նախարարությունը, զորավարժությունների նպատակն է «օպերատիվ հնարավորությունների բարելավումը ՆԱՏՕ-ի անդամ երկրներին հետագա համատեղ օպերացիաներին նախապատրաստելու նպատակով»:

Մայիսին Էստոնիայում անցկացվել են «Գարնանային փոթորիկ» զորավարժությունները, որոնց մասնակցել են ՆԱՏՕ-ի մի շարք երկրների զինծառայողներ:

Ինչպես հայտարարել էր Սենատոր Բոբ Կորկերը, Ռուսաստանի վրա ճնշումը կարելի է ուժեղացնել Ուկրաինայի և ՆԱՏՕ-ի ռազմական ներուժն ավելացնելով:

ԿԱՐԴԱՑԵՔ ՆԱԵՎ

Նման նյութեր