Armlur.am-ի` Իջևան քաղաքին մոտ կանգնած աղբյուրների փոխանցմամբ` Իջևանի բնակիչներ 23-ամյա Ա.Վ.-ն, 18-ամյա Վ.Դ.-ն և 19-ամյա Ռ.Ա.-ն իրենց մոտ թմրանյութ են պահել:
Ինչպես հաղորդում են մեր աղբյուրները, այսօր Ա.Վ.-ի վարած ավտոմեքենայում, որտեղ եղել են նաև մյուս երկուսը, եղել է WINSTON տեսակի ծխախոտի տուփ` գլաններով, որոնցից մեկի մեջ տեղադրված է եղել սուր հոտով կանեփանման զանգված:
Ավելի ուշ Վ.Դ.-ն հայտարարել է, թե թմրանյութն իրեն է պատկանել, և ինքն այն ձեռք է բերել հունիսի սկզբներին` Բլբուլյան փողոցում աճած կանեփի թփերից պոկելով և քաղելով: Վ.Դ.-ն հայտնել է, թե այդ ամենն իր օգտագործման համար է արել:
Ոստիկանության լրատվության ծառայությունից հաստատեցին մեր տեղեկությունները և հայտնեցին, որ հայտնաբերված զանգվածը փաթեթավորվել, կնիքվել և ուղարկվել է ոստիկանության փորձաքրեագիտական վարչություն: Վերոնշյալների նկատմամբ նշանակվել է տոքսիկոքիմիական փորձաքննություն, և նրանք ստորագրությամբ բաց են թողնվել: Կատարվում է հետաքննություն:
Տաթև Հարությունյան
.gif)
