Ամերիկացի ուսանողները Քլինթոնին կոչ են անում հրաժարվել դասախոսության համար նախատեսված հոնորարից

Լաս-Վեգասի Նևադա համալսարանի ուսանողները կոչ են արել ԱՄՆ նախկին պետքարտուղար Հիլարի Քլինթոնին չընդունել 225 հազար դոլար հոնորարը: Այն նախատեսված է  2014թ.-ի հոկտեմբերի 13-ին համալսարանի հովանավորների և հիմնադիրների ամենամյա հավաքի ընթացքում ելույթ ունենալու համար։

Քլինթոնների հիմնադրամին ուղարկած նամակում ուսանողները կոչ են արել այն վերադարձնել համալսարանին։ Ուսանողների տվյալներով` դասախոսության վճարը  4 անգամ գերազանցում է նահանգի բնակիչների ամենամյա միջին աշխատավարձը։