Սզգային ժողովի ՀԱԿ խմբակցության պատգամավոր Գագիկ Ջհանգիրյանը դեռևս չի հասցրել տեղեկանալ ԲՀԿ-ի տարածած հաղորդագրությանը: Նա այսօր լրագրողների հետ զրույցեւմ նշեց, թե դեռևս չի կարող գնահատականներ հնչեցնել:
«Ես խոստանում եմ, որ կծանոթանամ հայտարարությանը և կարձագանքեմ»,- նշեց նա: Լրագրողների դիտարկմանը, թե ԲՀԿ-ն չեղյալ է համարել փետրվարի 20-ին Ազատության հրապարակում նախատեսված հանրահավաքը, Ջհանգիրյանը ևս մեկ անգամ կրկնեց, որ առանց ծանոթանալու չի կարող որևէ բան ասել:
«Ես ազնվորեն ասում եմ, դուք էլ տեսաք, որ ես արդեն երկու ժամ է՝ լսումների եմ մասնակցում: Չեմ հասցրել տեղեկանալ: Խոստանում եմ, կծանոթանամ և կարձագանքեմ»,- նշեց նա:
Հիշեցնենք, որ ԲՀԿ քաղխորհուրդն այսօր հայտարարություն էր տարածել, որում նշվում էր, թե չեղյալ է համարում փետրվարի 20-ին նախատեսված հանրահավաքը:
.gif)
