Իրաքում «Իսլամական պետություն» ահաբեկչական խմբավորման մեջ Ռուսաստանի շուրջ 1700 քաղաքացի է ներգրավված. Վաշինգտոնում հայտարարել է ՌԴ Դաշնային անվտանգության ծառայության ղեկավար Ալեքսանդր Բորտնիկովը, հայտնում է «Մոսկովսկի կոմսոմոլեց»-ը: Նրա խոսքերով՝ իսլամիստների շարքերում այլ պետությունների ներկայացուցիչների թիվն ավելի շատ է:
«Այս պահին Իրաքում գտնվում է շուրջ 1700 ՌԴ քաղաքացի, և անցած մեկ տարում այդ թիվը գրեթե կրկնակի աճել է»,-լրագրողներին ասել է Բորտնիկովը:
Ինչպես հայտնել է ՌԴ ԴԱԾ ղեկավարը, «Իսլամական պետության» կազմում մինչև 100 երկրից 20 հազար օտարերկրացի է ներգրավված:
.gif)
