Խորենացի փողոցում աղբատար ավտոմեքենան բախվել է տան դարպասին

Մարտի 15-ին, ժամը 14.34-ին ահազանգ է ստացվել, որ Երևանի Խորենացու փողոցի թիվ 177 տան դարպասը աղբատար ավտոմեքենայի բախումից ձևախախտվել է, ինչից տուն մուտք գործելը դարձել է անհնարին. դուռը բացելու համար անհրաժեշտ է փրկարարների օգնությունը:

Դեպքի վայր է մեկնել փրկարարական ջոկատը:
Դեռևս չբացահայտված հանգամանքներում «Զիլ» մակնիշի 695 ՍՍ 63 պետհամարանիշի աղբատար ավտոմեքենան դուրս է եկել ճանապարհի երթևեկելի մասից և բախվել «ԲՄՎ» մակնիշի 33 TS 260 պետհամարանիշի ավտոմեքենային, այնուհետև բախվել թիվ 177 տան պատին, ինչից վնասվել է Կ. Գ.-ին պատկանող տան պարիսպը` 10 քմ և դարպասը. տուժածներ չկան:

Փրկարարները բացել են տան դարպասը:

Լուսանկարը` shamshyan.com-ի