Այսօր Եվրամիություն-Հայաստան խորհրդարանական համագործակցության վեհաժողովի 15-րդ նիստում Լեռնային Ղարաբաղի հիմնախնդրին և Ադրբեջանի պահվածքին անդրադարձավ «Ժառանգություն» խմբակցության դե յուրե պատգամավոր Ալեքսանդր Արզումանյանը:
Նա նշեց, որ Ադրբեջանը շարունակում է հակադրվել Մինսկի խմբի համանախագահներին և մերժում է խնդրի խաղաղ լուծման տարբերակները:
«Վերջին մեկ տարում ադրբեջանական կողմը կտրուկ սրել է իրավիճակը: Այս քաղաքականությունը պատճառ է դարձել մեծ թվով զոհերի` հակամարտության բոլոր երեք կողմերի համար: Վերջին նման դեպքի ականատեսը մենք եղանք երեկ, երբ հայկական կողմն ունեցավ երեք զոհ և չորս վիրավոր», – նշեց նա:
Նրա խոսքով, այս ամենը պատճառ է դարձել, որ Մինսկի խմբի համանախագահները սկսեցին կտրուկ հայտարարություններ անել Ադրբեջանի դեմ: Պատգամավորի խոսքով, Ադրբեջանը շարունակում է հակաքարոզչություն տանել Հայաստանի դեմ և սպառնալ հարցը` ռազմական ճանապարհով լուծմամբ:
«Ադրբեջանն իր սպառազինությունների 80 տոկոսը ձեռք է բերում Ռուսաստանից, որը պարտավոր է ոչ մեկին զենք չվաճառել», – նշեց նա և հավելեց, որ լուծման միակ բանաձևն ունի Մինսկի խումբը:
.gif)
