Վերջին շրջանում ակտիվացել են ՀՅԴ-ի` իշխանության հետ կոալիցիա կազմելու մասին խոսակցությունները: Դրանք ակտիվացան հատկապես նախագահ Սերժ Սարգսյանի` հայ -թուրքական արձանագրություններն ԱԺ-ից հետ կանչելու և սահմանադրական փոփոխությունների հայեցակարգում ՀՅԴ-ի առաջարկներն ընդունելուց հետո:
Այժմ էլ ակտիվորեն խոսակցություններ են շրջանառվում այն մասին, որ կոալիցիա մտնելուց հետո ՀՅԴ-ին տրվելու են երկու նախարարական պորտֆելներ: Չնայած այս ակտիվ խոսակցություններին, ՀՅԴ պատգամավորները խուսափում են որևէ կոնկրետ մեկնաբանություն տալ շրջանառվող լուրերին:
Armlur.am-ի հարցին ի պատասխան Արծվիկ Մինասյանը նախ նշեց, թե արդեն տեղյակ է իրեն ուղղվող հարցերի բնույթին, ապա հավելեց, որ մեկնաբանելու ոչինչ չունի: Նման պատասխան ստացվում է նաև դաշնակցական մյուս պատգամավորներից:
.gif)
