Ծեծի ենթարկված ազատամարտիկ Սմբատ Հակոբյանի վիճակը նորմալ է, նրա մոտ առկա են արտաքին վերքեր, կյանքին սպառնացող որևէ վտանգ չկա: Այս մասին Armlur.am-ի հետ զրույցում ասացին Երևանի Սուրբ Գրիգոր Լուսավորիչ բժշկական կենտրոնի վերակենդանացման բաժանմունքից:
«Նրա գիտակցությունը տեղն է, ինքնուրույն կարողանում է շնչել, կյանքին սպառնացող որևէ վտանգ չկա»,- նշեց ԲԿ-ից: Բժշկական կենտրոնից մեզ փոխանցեցին, որ ավելի ուշ մասնագետները ավելի հստակ կկարողանան ասել, թե ինչ վնասվածքներ կան ազատամարտիկի մոտ:
Հիշեցնենք, որ այսօր «Հայազն» կուսակցության երթից հետո ազատամարտիկին Աբովյան փողոցում, նախնական տվյալների համաձայն, 5 հոգով ծեծի էին ենթարկել: Դեպքի վայրում ոստիկանության աշխատակիցները համապատասխան գործողություններ են իրականացնում:
.gif)
