Հանրապետականներն ու դաշնակներն արդեն կիսում են վարչական շրջանները

Armlur.am-ի տեղեկություններով` խուճապային տրամադրություններ են տիրում Երևանի վարչական շրջաններից Էրեբունիում, Արաբկիրում և Մալաթիա-Սեբաստիայում, քանի որ տեղեկություններ կան, որ ՀՀԿ-ՀՅԴ կոալիցիայի շրջանակներում, որոշակի վարչական շրջաններ նույնպես տրվելու են Դաշնակցությանը: Այս փաստը պայմանավորված է նրանով, որ ըստ նոր ընտրական օրենսգրքի ընտրատեղամասերը պետք է խոշորացվեն և դաշնակցությունը բնականաբար ուզում է Երևանում նույնպես ուժեղացնել իր դիրքերը՝ 2017 թվականի ընտրություններին ընդառաջ:

Այս հարցի շուրջ Armlur.am-ը զրուցեց ՀՅԴ պատգամավոր Արծվիկ Մինասյանի հետ.

-Պարո՛ն Մինասյան, խոսակցություններ կան, որ կոալիցիայի շրջանակներում դաշնակցությանն է տրվելու 2 վարչական շրջան: Արդյոք ճի՞շտ են այս տեղեկությունները:

-Սպասեք մի քանի օրից ամեն ինչ պարզ կլինի:

Պարո՛ն Մինասյան, ամեն դեպքում մինչ օրս, խոսակցություներ չկային, որ կոալիցիայի շրջանակներում բանակցություններ են գնում վարչական շրջանների հետ կապված, ամեն դեպքում նման զարգացում հնարավո՞ր է:

-Ամեն ինչ էլ հնարավոր է, սպասեք, ամեն ինչ մոտ օրերս պարզ կլինի:
Հուսանք, որ այս ուրբաթ նախագահ Սերժ Սարգսյանի հայտարարությունը որոշակի հստակություն կմցնի քաղաքական դաշտում:

զրուցեց Արփինե Թովմասյանը