Եվրոպայից բերված նույնանուն դեղամիջոցը բացարձակապես իրենց ազդեցությամբ տարբերվում են Հայաստանի դեղատներում վաճառվող նույնանուն, նույն գունային ելևեջներով դեղերից: ԱԺ-ում «Դեղերի մասին» օրենքի և կից օրենքների նախագծերի վերաբերյալ խորհրդարանական լսումների ժամանակ նման հարց հնչեցրեց ԲՀԿ նախագահ Նաիրա Զոհրաբյանը:
ԲՀԿ պատգամավորի հարցին պատասխանեց առողջապահության փոխնախարար Սերգեյ Խաչատրյանը, ով նշեց, որ եվրոպական և հայաստանյան շուկաներում դեղերի տարբերությունը պայմանավորված է բազմաթիվ գործոններով: Նրա խոսքով` դա կարող է կապված լինել նաև դեղերի տեղափոխման ու պահպանման հետ:
ԲՀԿ նախագահը սակայն ընդգծեց, որ չի կարծում, թե դեղի տեղափոխման ու պահպանման խնդիրներով է պայմանավորված իր ասած խնդիրը:
«Ճկուն աշխատում է դեղատներ-պոլիկլինկաներ հանցավոր կապը: Բժիշկները դուրս են գրում դեղեր, մատնացույց անում, թե կոնկրետ որ դեղատնից գնի, և բոլորս լավ գիտենք, որ այդ շղթայից բժիշկը «ատկատ է» ստանում: Ե՞րբ եք սրա վերջը տալու»,- հետաքրքրվեց Նաիրա Զոհրաբյանը:
Փոխնախարարը նշեց, որ սրա դեմ պայքարելու ձևը հետևյալն է. բժշկի կողմից դուրս գրվող դեղերը պետք է դուրս գրվեն միայն դեղատոմսով, հակառակ պարագայում՝ մեծ տուգանքներ են նախատեսված.
.gif)
