Արդեն երկար ժամանակ քաղաքական դաշտում ակտիվորեն քննարկվող ՀՀԿ-ՀՅԴ ուժերի միջեւ իշխանական կոալիցիա կազմելու հարցը, կարծես թե, դեռեւս շարունակվում է ձգձգվել, քանի որ վերջնականապես չի հստակեցվում, թե երբ է կողմերի միջեւ հուշագիր ստորագրվելու:
ՀՀԿ խմբակցության պատգամավոր Նաիրա Կարապետյանն ArmLur.am-ի հետ զրույցում, անդրադառնալով այս հարցին, ասաց. «Հուշագրի ստորագրման ժամկետ, իհարկե, չեմ կարող ասել, բայց ցանկացած համագործակցություն ինձ համար ողջունելի է, որովհետեւ ցանկացած նոր ձեւաչափ եւ նոր ուժ իր հետ բերում է նոր մոտեցումներ, նոր գաղափարներ, ինչու չէ նաեւ կիսում է պատասխանատվությունը եւ կատարում է աշխատանքը միասին: Եթե դու քաղաքական ուժ ես եւ մտահոգ ես երկրի զարգացման համար, այլ ոչ թե սեփական կշռի բարձրացման համար, դու պետք է համագործակցության համար բաց լինես: Իսկ ՀՀԿ-ն դա ապացուցում է` զիջելով եւ զոհելով նախարարական պաշտոններ: Ինչ խոսք ես սպասում եմ, որ սա պետք է առաջընթաց ապահովի»:
.gif)
