Սերժ Սարգսյանի` մարտի 3-ի հրամանով նախագահի վերահսկողական ծառայության ղեկավար Հովհաննես Հովսեփյանը նշանակվեց Ֆինանսների նախարարությունից առանձնացված Պետական եկամուտների կոմիտեի նախագահի պաշտոնում: Իսկ նախարարության բաժանումն էլ հաստատվել էր Սերժ Սարգսյանի մարտի 2-ի որոշմամբ: Մարտի 3-ին Սերժ Սարգսյանը հարկային և մաքսային մարմինների ղեկավար կազմին պաշտոնապես ներկայացրեց նորանշանակ ՊԵԿ նախագահին:
Հովսեփյանի նշանակումից անցել է արդեն 12 օր, սակայն ՀՀ Մաքսային և Հարկային ծառայությունների պաշտոնական կայքերում որպես ղեկավար ներկայացվում է Գագիկ Խաչատրյանը: Ընդգծենք, որ վերջին շրջանում կառավարության կազմում մեծ թվով փոփոխություններ եղան, սակայն այդ բոլոր նշանակումների ժամանակ պաշտոնական կայքերը շատ արագ թարմացվեցին, ինչը չենք կարող ասել այս դեպքում:
.gif)
