Դիվանագիտական կոնֆլիկտի պատճառ դարձած ՀԱՄԱՍ-ի նավատորմի հետ կապված դեպքից 6 տարի անց Անկարան և Երուսաղեմը կարող են վերականգնել հարաբերությունները, գրում են ադրբեջանական ԶԼՄ-ները:
«Գրեթե ամեն ինչ պատրաստ է: 95%-ով համաձայնություններ են ձեռք բերվել: Դա մի քանի օրվա հարց է»,- հայտնել է իսրայելական Ynet կայքը՝ հղում անելով պետության պաշտոնական ներկայացուցչին:
«Հարաբերությունները չկարգավորելու պատճառներ չկան»,-հավելել է նա:
Թուրքիայի նորանշանակ վարչապետ Բինալի Յըլդըրըմը հայտարարել էր, որ Թուրքիան այլևս «չի կարող մշտական թշնամանքի մեջ լինել» հարևան երկրների հետ:
«Մոտ ժամանակներս համաձայնության կհասնենք Իսրայելի հետ»,- մամուլի ասուլիսի ժամանակ հայտարարել էր Յըլդըրըմը:
Նախկին դաշնակիցների միջև կոնֆլիկտը ծագել էր այն բանից հետո, երբ իսրայելցի զինծառայողները բարձրացել էին թուրքական նավը, որը խախտել էր Գազայի բլոկադան: Նավի գրավման ժամանակ իսրայելցի զինծառայողների հետ բախումների ժամանակ 10 թուրք քաղաքացի էր զոհվել: Իսրայելի հետ դիվանագիտական հարաբերությունները կարգավորելու համար Թուրքիան ներողություն էր պահանջել, ինչպես նաև փոխհատուցում զոհվածների ընտանիքներին և Գազայի բլոկադայի դադարեցում:
.gif)
