7 Սեպտեմբերին Երեւանի «Քոնկրէս» հիւրանոցի պատուհանէն վար նետուած է 32-ամեայ Արշալոյս Ա.-ն, որ ընտանեօք Լիբանանէն Հայաստան եկած էր՝ շրջապտոյտի: Անոնք այցելած են Հայաստանի տեսարժան վայրերը, հանդիպած են ծանօթներու, իսկ թէ ինչ եղած է կնոջ նման քայլի դրդապատճառը, ոչ ոքի պարզ չէ:
Դարձող խօսակցութիւններու համաձայն, երիտասարդ կինը այցելած է «Քոնկրէս» հիւրանոց իջեւանած իր ծանօթներուն, որմէ ետք տեղի ունեցած է դէպքը:
Պէյրութի մէջ անոր ճանչցողներէն մէկը ըսած է, թէ խօսքեր եղած են այն մասին, որ կինը վերջին շրջանին տարբեր ներքին բարդոյթներ ունեցած է, որու մասին յաճախ արտայայտուած է: Սուրիա ծնած, բայց Լիբանան ապրած կինը մատնայարդար կ’աշխատէր: Արշալոյս Ա.-ն երկու երեխայի մայր էր, անոր մեծ որդին այս տարի ընդունուած է առաջին դասարան:
arevelk.am
.gif)
