Հարց քաղաքացիներից` համատեղությամբ աշխատողի` երեխայի խնամքի արձակուրդի անցնելու դեպքում, մայրության նպաստն ինչպե՞ս է հաշվարկվում

ՀԱՐՑ. Համատեղությամբ աշխատողը եթե պետք է անցնի երեխայի խնամքի արձակուրդի, ապա մայրության նպաստն ինչպե՞ս է հաշվարկվում. յուրաքանչյուր գործատուի կողմի՞ց, թե՞ առանձին-առանձին:

Հասմիկ Պետրոսյան (32 տարեկան)

ՊԱՏԱՍԽԱՆ. Հայտնում ենք, որ «Ժամանակավոր անաշխատունակության եւ մայրության նպաստների մասին» ՀՀ օրենքի 6-րդ հոդվածի համաձայն` համատեղությամբ աշխատելու դեպքում (այդ թվում` ինքնուրույնաբար իրեն աշխատանքով ապահոված անձ հանդիսացող վարձու աշխատողի դեպքում) մայրության նպաստը հաշվարկվում եւ վճարվում է հիմնական գործատուի կողմից:

Հայաստանի Հանրապետության պետական եկամուտների կոմիտե

«ԺՈՂՈՎՈՒՐԴ». Նշենք, որ աշխատողի ժամանակավոր անաշխատունակության նպաստը ժամանակավոր անաշխատունակության առաջին աշխատանքային օրվա համար չի վճարվում, դրան հաջորդող հինգ աշխատանքային օրվա համար վճարվում է գործատուի միջոցների հաշվին, որը չի փոխհատուցվում, իսկ նպաստի մնացած մասը` Հայաստանի Հանրապետության պետական բյուջեի միջոցների հաշվին:

Հարգելի′ ընթերցողներ, եթե ունեք հարցեր, կարող եք զանգահարել «Ժողովուրդ» օրաթերթի խմբագրություն`(096, 093, 010) 54 64 23 հեռախոսահամարներով կամ Ձեր հարցերն ուղարկել [email protected], [email protected] էլեկտրոնային հասցեներով, ինչպես նաև փոստով` ք. Երևան, Աբովյան 22ա/3 (0010) հասցեով: Ձեր բոլոր հարցերի պատասխանները լույս կտեսնեն «Ժողովուրդ» օրաթերթի առաջիկա համարումներում, ապա ArmLur.am լրատվական կայքում: