Հովհաննես Հարությունյանը՝ իր պաշտոնից ազատվելու մասին

Ինչպես արդեն հայտնել ենք, ՀՀ վարչապետ Նիկոլ Փաշինյանը հոկտեմբերի 15-ին որոշում է ստորագրել, որում ասվում է․

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Հովհաննես Հարությունյանին ազատել առողջապահության նախարարի տեղակալի պաշտոնից»:

Այս առնչությամբ ArmLur.am-ը կապ հաստատեց Հովհաննես Հարությունյանի հետ, պարզելու համար, թե ինչն է եղել պատճառը, որ նա իր սեփական դիմումի համաձայն ազատվել է առողջապահության նախարարի տեղակալի պաշտոնից:

Սակայն մեզ հետ զրույցում Հովհաննես Հարությունյանն ասաց, որ չի ցանկանում խոսել այդ թեմայի մասին և ուղղորդեց իր ազատման պատճառների մասին զրուցել Առողջապահության նախարարության մամուլի խոսնակ Ալինա Նիկողոսյանի հետ:

Ալինա Նիկողոսյանը մեզ հետ զրույցում հայտնեց, որ Հովհաննես Հարությունյանն իր սեփական դիմումի համաձայն է ազատվել պաշտոնից, այլ մանրամասների ինքը չի տիրապետում:

Հիշեցնենք, որ Հովհաննես Հարությունյանը ԱԺ նիստերից մեկի ժամանակ կոնֆլիկտ էր ունեցել ԱԺ նախագահ Արարատ Միրզոյանի հետ:

Լիդա Եղիազարյան