Չնայած օրենքն արգելում է ծխախոտի կամ խմիչքի գովազդը, սակայն Երևանի փողոցներում և խանութներում միշտ հանդիպում ենք նշված ապրանքների թաքնված գովազդի: Պարզելու համար, թե որքանո՞վ է հավանական, որ խմիչքի և ծխախոտի գովազդը կարող է կախվածություն առաջացնել նշված ապրանքներից, Armlur.am-ը զրուցեց հոգեբան Սարգիս Միքայելյանի հետ:
Նրա խոսքով, ծխախոտի կամ խմիչքի գովազդը չի կարող ազդեցություն ունենալ դրանցից կախվածության վրա:
«Խմողների վրա գովազդն ազդեցություն կարող է ունենալ միայն ընտրության առումով: Սակայն չխմող մարդկանց հարբեցող դարձնել` այն չի կարող», – նշեց նա:
Իսկ հոգեբան Սամվել Խուդոյանն այլ կարծիքի է: Նա մեզ հետ զրույցի ընթացքում նշեց, թե հենց գովազդն է կախվածություն առաջացնում մարդկանց մոտ:
«Ամենամեծ գովազդը ծնողի օրինակն է: Երեխան տեսնում և ընդօրինակում է ծնողից», – նշեց նա:
Հոգեբանի խոսքով, ծխախոտը միանգամից է կախվածություն առաջացնում և կախված է օգտագործման հաճախակի լինելու հետ:
«Շատ տղամարդկանց մոտ խմիչք օգտագործելը տղամարդկության նշան է: Եվ ինչքան հաճախ օգտագործեն այն, այնքան շուտ կարող է կախվածություն առաջացնել», – նշեց նա:
Նաիրա Հովհաննիսյան
.gif)
