Բրիտանացի ավտոմեխանիկը բարեգործական ակցիա է իրականացրել՝ իր վրա 30 լիտր մեքենայի յուղ լցնելով: Տղամարդը նմանակել է միջազգային բարեգործական Ice Bucket Challenge ակցիային՝ օնկոլոգիական հիվանդությունից մահացած իր մոր հիշատակը հարգելու նպատակով:
Քոլին Մեյրիկն իր ակցիան անվանել է Oil Bucket Challenge: 46-ամյա տղամարդը խնդրել է իր գործընկերներն օգնել իրեն իրացնել գաղափարը՝ իր վրա լցնել յուղով լի դույլը: Այնուհետև նա համացանցում հրապարակել է իր «Յուղային պայթյունի» տեսագրությունը և խոստացել տեսահոլովակի դիտումից իր հաշվին փոխանցվող միջոցները տրամադրել Macmillan Cancer Support քաղցկեղի դեմ պայքարի հիմնադրամին:
Տեսահոլովակի հրապարակումից մի քանի ժամ անց Մեյրիկի հաշվի է փոխանցվել ավելի քան հազար ֆունտ, տեղեկացնում է Lenta.ru-ն:
.gif)
