Ֆեյսբուք սոցցանցի հիմնադիր Մարկ Ցուկերբերգը քննադատել է ԱՄՆ նախագահ Դոնալդ Թրամփին փախստականների մասին ստորագրած հրամանագրի համար, փոխանցում է «ՌԻԱ Նովոստի»-ն:
«ԱՄՆ-ն վերաբնակեցվածների ազգ է, և մենք պետք է հպարտանանք դրանով»,-ֆեյսբուքում գրել է Ցուկերբերգը՝ նշելով, որ իր նախնիները Գերմանիայից, Ավստրիայից և Լեհաստանից են:
Ցուկերբերգը հավելել է, որ պետք է կենտրոնանալ նրանց վրա, ովքեր իսկապես սպառնալիք են ներկայացնում, սակայն պետք է «բաց թողնել դռները փախստականների և օգնության կարիք ունեցողների համար»:
Ուրբաթ օրը Թրամփը հրամանագիր է ստորագրել, որի համաձայն 120 օրով դադարեցվում է փախստականների մուտքն ԱՄՆ, ինչպես նաև խստացվում են ԱՄՆ մուտքի մի քանի կանոն:
.gif)
