Երևանից Վանաձոր են ժամանել շուրջ 70 ոստիկաններ: Armlur.am-ի տեղեկություններով՝ ոստիկանությունը Երևանից իրավապահներ է գործուղել մարզկենտրոններ: Մեզ հայտնի դարձավ, որ միայն Վանաձորում գործուղված ոստիկանների թիվը հասնում է 70-ի: Նրանք ոստիկանության զորքերի ծառայողներն են, իսկ Վանաձոր են եկել՝ նախընտրական շրջանում վանաձորցի ոստիկանների հետ ծառայություն իրականացնելու նպատակով:
Մեզ հայտնի դարձավ, որ ոստիկանները մնալու են մինչև ապրիլի 3-ը: «Ընտրություններով է պայմանավորված, որևէ արտառոց բան չկա, եկել են վանաձորցիների հետ ծառայելու»,- վստահեցրեց մեր աղբյուրը:
Ոստիկանության տեղեկատվության և հասրակայնության հետ կապերի վարչությունից հաստատել են մեր տեղեկությունը. «Ոստիկանության տարբեր ստորաբաժանումների ծառայողներ ըստ անհրաժեշտության ներգրավվում են նաև հասարակական կարգի ապահովմանը, ինչպես և հանցագործությունների կանխարգելման և բացահայտման գործերին»,- հավելել են լրատվական բաժնից:
Էդվարդ Արզումանյան
.gif)
