Աղջիկը, այցելելով գերեզմանոց, պարզել է, որ այնտեղ հուղարկավորված է ոչ իր հայրը, իսկ գերեզմանի տեղում կառուցված է նորը

Օգոստոսի 31-ին խարդախությամբ գումար հափշտակելու կասկածանքով ձերբակալվել էր Գյումրու քաղաքապետարանի, «Հավերժ Հիշատակ» ՓԲԸ-ի տնօրեն Կոստիկ Ավետիսյանը

Քննչական կոմիտեն հայտնել էր, որ Գյումրի քաղաքի բնակչուհիներից մեկը հաղորդում է տվել այն մասին, որ հայրը մահացել է 2013թ մարտի 27-ին եւ հուղարկավորվել Գյումրու թիվ 2 գերեզմանատանը գտնվող իրենց ընտանեկան գերեզմանոցում, որտեղ ինքը վերջին անգամ այցելել է 2016թ. մայիսին: 2017թ. օգոստոսի 22-ին, այցելելով ընտանեկան գերեզմանոց, պարզել է, որ այնտեղ հուղարկավորված է մեկ այլ անձ, իսկ գերեզմանի տեղում կառուցված է նոր գերեզման:

Այս առիթով հարուցվել է քրեական գործ՝ դիակն անարգելու փաստով, ու քրեական գործի ընթացքում տվյալներ են ձեռք բերվել, որ երկու անձ խարդախությամբ գումար են հափշտակել՝ գերեզմանոցի տեղը հատկացնելու համար, որոնցից մեկը՝ «Հավերժ Հիշատակ» ՓԲԸ-ի տնօրեն Կոստիկ Ավետիսյանն է:

«Ժողովուրդ» օրաթերթի հետ զրույցում Շիրակի մարզի դատախազ Կարեն Գաբրիելյանը հայտնեց, որ Կոստիկ Ավետիսյանին մեղադրանք է առաջադրվել ՀՀ քրեական օրենսգրքի 178-րդ հոդվածի հատկանիշներով` խարդախություն:

-Պարո՛ն Գաբրիելյանը, մեղադրյալն արդեն վերջինս հարցաքննվե՞լ է:

-Այո՛, հարցաքննվել է:

-Ընդունո՞ւմ է նա իրեն առաջադրված մեղադրանքը:

-Մեղադրանքն առաջադրված է, բայց նա չի ընդունում առաջադրված մեղադրանքը:

-Օգոստոսի 31-ին նա ձեարբակալվել էր, ուստի հաշվի առնելով, որ նրան ձերբակալված պահելու 72- ժամյա ժամկետն արդենը լրացել է, ի՞նչ խափանման միջոց է ընտրվել նրա նկատմամբ:

-Վերջինիս նկատմամբ խափանման միջոց է ընտրվել ստորագրությամբ չհեռանալու մասին որոշումը:

Քնար Մանուկյան