Վտանգի տակ է հայտնվել Գյումրիում հայտնի «վառեմ-մարեմ» պատշգամբի շենքը

Գյումրիում վտանգի տակ է հայտնվել հայտնի «վառեմ-մարեմ» պատշգամբի շենքը:
Հատուկ տեխնիկայի միջոցով քանդվում են հին սալիկները: Ճանապարհի ասֆալտապատման հիմնավորմամբ վնասվում է շենքի հիմքը:

ArmLur.am-ը փորձեց կապ հաստատել Գյումրիի համայնքապետարանի աշխատակիցների հետ, հասկանալու համար, ինչ է արվում շինությունը պահպանելու համար, սակայն մեր զանգերը մնացին անպատասխան:

Կրթության, գիտության, սպորտի և մշակույթի նախարարությունից մեզ առաջարկեցին հարցում ուղարկել: Հարցման պատասխանը ArmLur.am-ը կհայտնի մի փոքր ուշ:

Հիշեցնենք, որ 2022 թվականից արգելվել է շենք մուտք գործելը, քանդված հատվածների պատճառով:

Հ․ Գ․ ArmLur.am-ը պատրաստ է Գյումրիի համայնքապետարանի հետադարձ կապ հաստատելու դեպքում հրապարակել նաև իրենց մեկնաբանումը:

Էմմա Մարտիրոսյան