Գեղարքունիքի մարզային ճգնաժամային կառավարման կենտրոնը մայիսի 5-ին, ժամը 19:10-ին ահազանգ է ստացել, որ հովիվը Ճամբարակ քաղաքի մոտակա սարում կոտրել է ոտքը․ անհրաժեշտ է փրկարարների օգնությունը:
Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Ըստ աղբյուրի՝ փրկարարներն Ա․ Ա․-ին (ծնված 1987 թ․) պատգարակով իջեցրել (մոտ 1 կմ) և մոտեցրել են շտապօգնության ավտոմեքենային․ տուժածը հոսպիտալացվել է Ճամբարակի բժշկական կենտրոն:
.gif)
