Փետրվարի 13-ին Ներքին Հանդի հատվածում տեղակայված հայկական դիրքերի ուղղությամբ Ադրբեջանի ԶՈՒ կրակի հետևանքով զոհված Գագիկ Վարազդատի Մանուկյանը (1982թ. ծնված) Կոտայքի մարզի Նաիրի համայնքի Քասախ բնակավայրից էր:
ArmLur.am-ը կապ հաստատեց Կոտայքի մարզի Քասախ համայնքի ղեկավար Արտակ Թովմասյանի հետ՝ մանրամասներ իմանալու նպատակով.
«Կենսուրախ, շատ ուրախ մարդ, ընկերասեր, հարազատասեր, մեծ ազգի տղա, միայն լավը կարող ենք ասել իր մասին: Ինքը մեր Հայաստանի Հանրապետության սահմանը պաշտպանել ա արդեն երկար տարիներ, մասնակցել է և՛ քառօրյա պատերազմին և՛ 44-օրյա պատերազմին»:
Գագիկ Մանուկյանը 42 տարեկան էր, ամուսնացած էր, ունի 3 երեխա՝ 1 տղա 2 աղջիկ: «Մի աղջիկը ուսանող է, մյուս 2 երեխաները դպրոցական են»-ասաց նա:
Արտակ Թովմասյանի խոսքով՝ Գագիկը հայրենասեր, հասարակության հարգանքը վայելող, շրջապատի կողմից սիրված, շատ լավ մարդ էր: Սոցիալապես նորմալ վիճակում էին ապրում իրենք: Նա աշխատել էր նաև Վահագնի թաղամասում որպես այգեպան:
Էմմա Մարտիրոսյան
.gif)
