ՏԵՍԱՆՅՈՒԹ․ Քանաքեռ-Զեյթուն վարչական շրջանի ղեկավարը զգուշացնում է՝ կան անձինք՝ ինքնագործունեությամբ են զբաղվում

Երևանի Քանաքեռ-Զեյթուն վարչական շրջանի Դավիթ Անհաղթի այգին բարեկարգվում է։ Այս մասին ArmLur.am-ի հետ զրույցում ասել է Քանաքեռ-Զեյթուն վարչական շրջանի ղեկավար Արտակ Հովակիմյանը։

Այգու բարեկարգման աշխատանքները կավարտվեն 5 կամ 6 ամսից։

Հովակիմյանը խոսեց նաև բլոգերների տարածած տեսանյութերի, լուսանկարների, տեղեկությունների մասին և ասաց, որ ամեն բան արվում է պատվիրատուի և տվյալ կազմակերպության պայմանագրերի հիման վրա։ Հաճախ շատ բլոգերներ չտիրապետելով ընթացակարգերին փորձում են միջամտել, տեղեկացված չլինելով, որ կա երաշխիք և պարտավորագիր շինարարների կողմից և այն աշխատանքը, որը արվում է երաշխիքի մեջ է։

Հովակիմյանի խոսքով՝ վարչական շրջանի ղեկավարության և բնակիչների միջև կապն այնքան հասու է, որ բնակիչներն իրենք են շատ ժամանակ հայտնում, թե որտեղ են տեսնում անօրակություն։

Անդրադառնալով այգու աշխատանքներին՝ Արտակ Հովակիմյանն ասաց, որ 30 տարիների ընթացքում այգին եղել է շատ վատ վիճակում և հիմա ամեն բան արվում է, որ այգին լավագույնս բարեկարգվի։

Մանրամասները՝ տեսանյութում։

Աննա Սրապիոնյան, Հովսեփ Հովսեփյան