Եթե Ռուստաստանի վրա պատժամիջոցներ կիրառվեն մեր տնտեսությունը չի տուժի

Հայրենական ապրանք արտադրողների միության ղեկավար Վազգեն Սաֆարյանն այսօրվա մամլո ասուլիսում ներկայացրեց մարզերում տիրող տնտեսական վիճակը:

«Մեր արդյունաբերության 40,8 տոկոսը կենտրոնացած է Երևանում, երկրորդ տեղում Սյունիքն է, որտեղ կենտրոնացած է մեր արդյունաբերության 16,5 տոկոսը, երրորդ տեղում ` Կոտայքն է: Արդյունաբերության մասնաբաժնի 3,5 տոկոսը կենտրոնացված է Շիրակում: Սա իհարկե, ցավալի է, և մենք հենց այդ մարզից էլ սկսեցինք»,- ասաց Վ. Սաֆարյանը:

Պետության աջակցության կարիք ունի Շիրակի մարզը: Շիրակում գործում է մի գործարան, որն արտադրում է աղաչափեր, բայց քանի որ պահանջները փոխվել են, իսկ աղաչափերը  արտադրվում են ռուսական սուզանավների համար, հետևաբար պետք է  դրանք համապատասխանեն ժամանակակից չափանիշներին:

Շիրակի մարզում հնարավոր է նորից վերականցնել տրիկոտաժի արտադրությունը: Սաֆարյանը հիշում է ` անգամ մարզի գյուղերից մեկը կոչվում է Բամբակաշատ, որը ժամանակին բամբակ էր արտադրում:

Մյուս մարզը, որտեղ այցելել է հայրենական ապրանք արտադրողների միությունը, Վանաձոր քաղաքն է եղել: Այնտեղ կա քիմպրոմ գործարան, որտեղ կարող են աշխատել 1000 մարդ, հետևաբար անթույլատրելի է, որ  այն չաշխատի:

«Տեղական արտադրության զարգացմանը պետք է  զարկ տալ, և որքան հնարավոր է քիչ ներմուծել»,- ասաց Սաֆարյանը:

Բանախոսի խոսքով ` մաքսային միություն մտնելը չի խոչընդոտում,  որ Հայաստանն իր ապրանքները եվրոպական շուկաներ դուրս բերի:

«Եթե Ռուստաստանի  վրա պատժամիջոցներ կիրառվեն, ապա դրանից մեր տնտեսությունը չի տուժի»,- եզրափակեց Սաֆարյանը: