ԲՀԿ խմբակցության քարտուղար Նաիրա Զոհրաբյանի համար անակնկալ էր Հրանտ Բագրատյանի ինքնառաջադրվելը: Այսօր նա ԱԺ-ի ամբիոնից հայտարարեց, որ քառյակը չէր քննարկել միասնական դիրքորոշմամբ հանդես գալ ԱԺ նախագահի քվեարկության ժամանակ: «Մինչև վաղը ԲՀԿ-ը հանդես կգա իր դիրքորոշմամբ»,- ասաց Զոհրաբյանը:
Նրա ելույթից հետո խոսքով հանդես եկավ «Ժառանգություն» խմբակցության ղեկավար, ԱԺ նախագահի թեկնածու Ռուբեն Հակոբյանը հայտարարեց, որ ինքնաբացարկ է ներկայացնում, քանի որ կարծում է, որ չորս ուժերը` քառյակը, պետք է միահամուռ չմասնակցի ԱԺ նախագահի քվեարկությանը:
ԱԺ նախագահի մյուս թեկնածուն Հրանտ Բագրատյանն էլ ասաց, որ ինքը չի հանելու իր թեկնածությունը ինչպես արեց Ռուբեն Հակոբյանը, քանի որ դա անում է այն մարդկանց համար, ովքեր ձայն են տվել իրենց` ՀԱԿ-ին ընտրությունների ժամանակ:
Մյուս թեկնածու Գալուստ Սահակյանն էլ ասաց, որ ինքն ուրախ է, ոչ Բագրատյանը չհանեց իր թեկնածությունը, քանի որ կողմ է մրցակցությանը:
Սոնա Դավթյան
.gif)
