Ռուսաստանի նախագահի և Մհեր Գրիգորյանի միջև առանձին հանդիպում նախատեսված չէ, սակայն նրանք կարող են զրուցել Եվրասիական տնտեսական միության (ԵԱՏՄ) գագաթնաժողովի շրջանակում։ Այս մասին լրագրողներին հայտնել է Ռուսաստանի նախագահի մամուլի խոսնակ Դմիտրի Պեսկովը։
«Ոչ, առանձին հանդիպում նախատեսված չէ, բայց եթե նրանք ցանկանան, նրանք կարող են հիանալի կերպով զրուցել գագաթնաժողովի շրջանակներում»,– նշել է Պեսկովը։
Նրա խոսքով՝ Վլադիմիր Պուտինի և Մհեր Գրիգորյանի հանդիպումը չի բացառվում․ «Եթե նրանք նպատակահարմար գտնեն, ապա նրանք կհանդիպեն»։
Պեսկովը նաև ընդգծել է, որ այժմ սկսվում է գագաթնաժողովը նեղ կազմով, որտեղ կքննարկվեն առավել զգայուն թեմաները։
Անի Վարդանյան
.gif)
