Գերմանիայի կանցլեր Ֆրիդրիխ Մերցը հայտարարել է, որ Հարավային Կովկասում խաղաղությունը, անվտանգությունն ու կայունությունը բխում են ինչպես Գերմանիայի, այնպես էլ Եվրոպական միության շահերից։
Այս մասին նա ասել է Բեռլինում Ադրբեջանի նախագահ Իլհամ Ալիևի հետ համատեղ ասուլիսի ընթացքում։
«Մեզ անհրաժեշտ են նաև խաղաղություն, անվտանգություն և կայունություն Հարավային Կովկասում։ Գերմանիայի և Եվրոպական միության շահերից է բխում, որ այս աշխարհաքաղաքական կարևոր տարածաշրջանը կայունանա»,- ասել է Մերցը։
Գերմանիայի կանցլերը նաև շնորհավորել է Ադրբեջանի նախագահ Իլհամ Ալիևին Հայաստանի և Ադրբեջանի միջև խաղաղության համաձայնագրի նախաստորագրման կապակցությամբ։
«Վերոնշյալ համաձայնագիրը նախաստորագրվել է Ադրբեջանի և Հայաստանի կողմից։ Այս պատմական համաձայնագիրը նոր հնարավորություն է ստեղծում՝ երկարամյա հակամարտությունը վերջնականապես հաղթահարելու համար»,- նշել է Ֆրիդրիխ Մերցը։
Անի Վարդանյան
.gif)
