Որն է Եվրոպայում շոգի պատճառով մահացության ցուցանիշով առաջին երկիրը

Հունիսի վերջին Բելգիայում շոգի ալիքի ժամանակ մահացության մակարդակը ավելի բարձր էր, քան Եվրոպայի ցանկացած այլ երկրում, երկուշաբթի հաղորդել է ֆլամանդական Het Nieuwsblad թերթը՝ հիմնվելով եվրոպական մահացության մակարդակի մոնիթորինգի EuroMOMO ցանցի տվյալների վրա։

Շոգի ալիքի ընթացքում Բելգիայում գրանցվել է սովորական մակարդակից մոտ 2000 մահ կամ 48% ավելին։ Ֆրանսիայում այդ ցուցանիշը կազմել է 23%, Նիդեռլանդներում 13%։

«Աղքատ շրջանների բնակիչներն ավելի շատ են տուժել շոգից։ Օրինակ, Ֆլանդրիայի և Վալոնիայի միջև կա զգալի տարբերություն։ Եվ այստեղ կա անհերքելի սոցիալ-տնտեսական ասպեկտ։ Մեծ առանձնատունը, որի շուրջը կանաչապատ տարածք կա, ավելի քիչ տաք է, քան փոքր բնակարանը՝ չափազանց շատ մարդկանցով։ Սակայն նույնիսկ եթե Ֆլանդրիան դիտարկենք առանձին, տարածաշրջանն ավելի շատ է տուժել՝ +31%, քան Ֆրանսիան և Նիդեռլանդները։ Մենք պետք է վերանայենք մեր մոտեցումը քաոսային շինարարության նկատմամբ», – նշել է Լյովենի համալսարանի հետազոտող Գերտ Մոլենբերգսը։