Իտալիայում տեղի ունեցած երկրաշարժի հետևանքով տուժածների թիվը հասել է 26-ի: Այս մասին հայտնել է երկրի Քաղաքացիական պաշտպանության գործակալությունը։
Շաբաթ առավոտյան գործակալությունը հայտնել էր 21 տուժածի մասին։
«Երեկ երեկոյան տեղի ունեցած 4,7 մագնիտուդով երկրաշարժի հետևանքով 26 մարդ է տուժել», — ասվում է հայտարարության մեջ։
Քաղաքացիական պաշտպանության ծառայությունը հավելել է, որ մոտ 300 մարդ ստիպված է եղել լքել իր տունը։
Հաղորդվում է, որ հրշեջներն ու տեխնիկական մասնագետները շարունակում են զննել շենքերը՝ վնասներ հայտնաբերելու նպատակով։
.gif)
