Վերջին երկու շաբաթվա ընթացքում ուկրաինական անօդաչու սարքերի հարվածների հետևանքով Ռուսաստանում շարքից դուրս են եկել Wildberries-ի խոշոր պահեստային համալիրների մի մասը։
DroneBomber-ի տվյալներով՝ օգոստոսի 2-ի դրությամբ վնասվել կամ դադարեցրել է աշխատանքը ընկերության 16 խոշոր լոգիստիկ կենտրոն՝ ընդհանուր 26-ից։ Թեև դրանք կազմում են Wildberries-ի բոլոր օբյեկտների փոքր մասը, սակայն հենց այս կենտրոններով էր անցնում ընկերության հիմնական բեռնափոխադրումների ծավալը։
Ռուսական Forbes-ի գնահատմամբ՝ հարվածների հետևանքով ընկերությունը կորցրել է պահեստային տարածքների առնվազն 17%-ը, իսկ վաճառողների վնասները կարող են հասնել մոտ 3,5 միլիարդ դոլարի։
Ուկրաինական կողմը պնդում է, որ հարվածները ազդել են նաև ռուսական ռազմական մատակարարումների վրա՝ սահմանափակելով անօդաչու համակարգերի համար անհրաժեշտ բաղադրիչների հասանելիությունը։
.gif)
