ԱՄՆ նախագահի հատուկ բանագնաց Ջարեդ Քուշներ հայտարարել է, որ Ռուսաստանի նախագահի օգնական Յուրի Ուշակովի հետ քննարկել է Ուկրաինայում հակամարտության կարգավորման հարցը։
Նա նաև հայտնել է, որ նախապատրաստվում է Ուկրաինայի հարցով հաջորդ բազմակողմ հանդիպման օրակարգը, որը նախատեսվում է անցկացնել առաջիկայում։
ԱՄՆ բանագնացի խոսքով՝ կարգավորման գործընթացում առաջընթաց է գրանցվել, սակայն վերջնական համաձայնագիրը պետք է հավանության արժանանա Ռուսաստանի կողմից։
Քուշները հավելել է, որ Ուիթքոֆի հետ միասին Ռուսաստանի, Ուկրաինայի, Եվրոպայի և ՆԱՏՕ-ի ներկայացուցիչների հետ քննարկել է Ռուսաստանի և եվրոպական երկրների միջև ուղիղ փոխգործակցության հարցը։

























