Ազգային ժողովի պատգամավորներ Նոնա Հովհաննիսյանն ու Վոլոդյա Հակոբյանը, ինչպես նաև ԱԺ աշխատակազմի ներկայացուցիչ Անուշ Բարեղամյանը նոյեմբերի 22-26-ը գործուղվելու են Մոլդովայի մայրաքաղաք Քիշնև։
Ինչպես տեղեկանում է ArmLur.am-ը ԱԺ նախագահի՝ նոյեմբերի 18-ին հրապարակված կարգադրությունից, նրանք մասնակցելու են ԵԱՀԿ/ԺՀՄԻԳ-ի՝ Արևելյան գործընկերության մասնակից երկրների համար նախատեսված «Քաղաքական գործընթացներում երիտասարդների ներգրավվածության ամրապնդում» տարածաշրջանային երիտասարդական ֆորումի աշխատանքներին։
Պատվիրակության կազմում ընդգրկված է նաև Ազգային ժողովի կրթության, գիտության, մշակույթի, սպորտի և սփյուռքի հարցերի մշտական հանձնաժողովի քարտուղարության փորձագետ Անուշ Բարեղամյանը։
Հատկանշական է, որ կարգադրության համաձայն՝ գործուղման հետ կապված բոլոր ծախսերը հոգալու է հրավիրող կողմը։
Անի Վարդանյան




























