Յամայկայի կառավարությունը կտրուկ փոփոխություններ է նախապատրաստում թմրանյութերի վերաբերյալ օրենքում:
Արդարադատության նախարար Մարկ Գոլդինգը հայտարարել է, որ կառավարությունն ընդունել է մինչև երկու ունցիա (57 գրամ) մարիխուանա պահելու թույլատրության առաջարկը, որը Յամայկայում անվանում են «գանջա»:
Նախատեսվում է օրինականացնել մարիխուանայի պահումը կրոնական, գիտական և բժշկական նպատակներով: Այլ դեպքերում դա կդիտվի որպես մանր իրավախախտում, այլ ոչ թե քրեական հանցագործություն:
«Ես կցանկանայի շեշտել, որ օրենքում նախատեսվող փոփոխությունները չեն նշանակում միայն հաճույքի համար «գանջաի» պահման կամ տարածման խրախուսում», – հստակեցրել է Գոլդինգը: «Մեր նպատակը ոչ մեծ քանակով մարիխուանայի պահպանման հանդեպ ավելի խոհեմ մոտեցում ցուցաբերելն է», – նախարարի խոսքն է փոխանցում BBC-ն:
.gif)
